இன்று (18.10.2026), தேனி மாவட்ட ஆட்சியர் அலுவலகப் புதிய கூட்டரங்கில் நடைபெற்ற அரசு விழாவில், பள்ளிக்கல்வித்துறையின் சார்பில் ரூ.2.82 கோடி மதிப்பீட்டில் புதிதாகக் கட்டப்பட்டுள்ள 3 பள்ளிக் கட்டடங்களைத் திறந்து வைத்தேன்.
மேலும், பல்வேறு அரசுத் துறைகளின் சார்பில் 1,960 பயனாளிகளுக்கு ரூ.26.45 கோடி மதிப்பிலான அரசு நலத்திட்ட உதவிகளை வழங்கி, பொதுமக்களின் போக்குவரத்து வசதிகளை மேம்படுத்தும் நோக்கில், வெற்றிப் பயணம் திட்டத்தின் கீழ் 6 புதிய பேருந்துகளைக் கொடியசைத்துத் தொடங்கி வைத்தேன்.
இந்தப் பேருந்துகள் தேனி – சின்னமனூர், போடிநாயக்கனூர் – உத்தமபாளையம் (2 பேருந்துகள்), கம்பம் – தேவாரம், கம்பம் – காமயகவுண்டன்பட்டி மற்றும் சின்னமனூர் – அண்ணா நகர் ஆகிய வழித்தடங்களில் இயக்கப்பட உள்ளன.
இந்நிகழ்வில், பெரியகுளம் சட்டமன்ற உறுப்பினர் திரு. க. சபரி ஐங்கரன் அவர்கள், தேனி மாவட்ட ஆட்சித்தலைவர் திரு. வ. சிவகிருஷ்ணமூர்த்தி, இ.ஆ.ப., அவர்கள் உள்ளிட்ட அரசு அலுவலர்கள் மற்றும் மக்கள் பிரதிநிதிகள் கலந்து கொண்டனர்.